If the Broons were real n relevant
Wid Ma Broon yaise her vote
she'd ken its just like Gamblin
Just like Granpa's weekly Tote.
She'd want whits fair fir Kin n Hame
a tidy Hoose she'd keep
She'd tell Pa Broon vote like a man
and no vote like a Sheep.

Ma wid see her folk surrounded
beh Incompetence n Greed
She'd question why so few have much
while so many are in need.
She'd see Kids desperate fir a Trade,
Enlist, then denied their votes.
Wid know that if they could wid vote tae
chase Incompetents fae office minus coats

Ma'd pose some money in the hoose
Fir ony rainy days
She'd scoff at Gamblin Bankers
and Scorn their thieving ways
She'd a seen Pa's hard earned crust
git taxed then Loaned fir Free
tae Banks that widnae dream o doin the
Same fir you n me.
she'd see Rich Folk and their Gravy trains
thir lordships Prone position
She'd ken ye hiv tae yaise yir vote
tae change their ignorant condition

She'd no be quiet on Politix
Widda learned frae Granpa Broon
Wha'd Lost his Pals in France's fields
He'd weep when Poppies bloom.
She'd want Joe oot o uniform n
safe frae foreign trenches
frae wars conducted n conspired
doon on Westminsters benches.

Fir Daph n Maggie Ma wid like
them happy, flush n Merried
An thru thir Umpteenth Drevin Test
so baith'd no need ferried.
The Bairn Ma'd ken her Futures mapped
she'd fight fir Right n Fair.
If she cud vote she sharely wid
There are nae fleh's on her.

Ma'd no be faired o Immigrants
wid challenge Racist views
she widnae be impressed beh
a the fear spread thru the news.
Coz Glebe street wid be occupied
beh bairns o every creed
She widnae close her door tae
anybody thats in need.

She'd be waiting fir an Angel
tae win the Hert o Hen
and keep him safe fir a his days
and yaise the But n Ben
She'd smile when Horace takes his bike
tae Uni, he'd vote Green
She'd fret aboot his student loan
kens his brens 'll keep him keen.
The twins 'd be leaving secondary,
wid follow him tae Uni.
Thirs twa in toon baith near baith free
They'd no cost much mare money

She'd no be comfortably Numb enough
tae disregard the itch
O her Intellects own gag reflex
when her common senses twitch
at a the Thieves in Public Office
their Corruptions rife and bold
from the City Square tae London toon
everytime oor stuff gets sold.

Ma'd see oor bad news every day
and ken that its a fact
If you want a Pension fir your kids
dinnae gie it tae Fat Cats.
She'd see a the connections
tween the Judges and thir briefs
tween Politicians and the Bankers
tween the terrorists n thieves
Ma's Temprature ' be rising
when thir Hench and Yesmen spout
Propagandic Empty Soundbites
full o Flatulence n Gout

She'd say
If your senses hivnae failed yet
and your no glued tae yir chair
Chase all Incompetents frae office
Build yir Bairns a world thats fair
Dinna bide at Hame Election days
If its rhenin wear a coat
Your kids'll only have a Future
If you exercise yir vote

Yaise Yir Vote
tae stop the Gamblin wi Pensions
Yaise Yir Vote
Tae save oor kids frae trenches
Yaise Yir Vote
Tae kick the Lords frae Benches
Yaise Yir Vote
Tae chase Whips frae Houses
Yaise Yir Vote
Tae chase Kings frae Castles